ठोकपाल

This is some blog description about this site

ठोकपाल

Posted

Posted

अब्बास-मस्तान दिग्दर्शित ‘रेस’ या चित्रपटात विदेशातील अश्वशर्यतींची दृश्यं आहेत. परंतु अमिताभ बच्चन, धर्मेंद्र, राजेश खन्ना यांच्या कित्येक चित्रपटांत मुंबईच्या महालक्ष्मी रेसकोर्सवरचे प्रसंग आहेत. नायक वा खलनायकाचा आर्थिक स्तर आणि त्याची जीवनशैली दर्शवण्याचा सोपा उपाय म्हणजे कॅमेरा महालक्ष्मीच्या दिशेनं नेणं; एकेकाळी गीतकार राजेंद्र कृष्णला इथंच लाखो रुपयांचा जॅकपॉट लागला होता. रणजीत स्टुडिओचा मालक चंदूलाल शाह रेस नि जुगारातच कंगाल झाला. त्याउलट पुण्याच्या हसन अलीच्या मालकीचे घोडे आहेत आणि त्याच वेळी तो ‘एक्स्पोर्ट-इम्पोर्ट’चे काय काय उद्योग करतो ते सर्वश्रुत आहे. मराठीत विलासदत्त राऊत यांची रेसकोर्सवर ‘चौखूर’ ही कादंबरी आहे. ती पुण्याच्या काँटिनेंटल प्रकाशनच्या दिवंगत अनिरुद्ध कुलकर्णी यांनी प्रसिद्ध केली; त्यांचे आजोबा अश्वपारखी होते. आता मात्र महालक्ष्मी रेसकोर्सचा भाडेपट्टा टर्फ क्लबला वाढवून देऊन ही जागा सार्वजनिक मनोरंजन मैदानासाठी (थीम पार्क) मोकळी करण्याचा प्रस्ताव शिवसेनेनं महापालिका आयुक्तांकडं दिला आहे. तो प्रत्यक्षात आल्यास रेसकोर्स इतिहासजमा होईल.

Posted

Posted

केंद्रातील यूपीए सरकार अल्पमतात आल्यानंतर, मुदतपूर्व निवडणुका कधीही होऊ शकतात, असं भाकीत वर्तवताना राष्ट्रवादी काँग्रेसचे अध्यक्ष आणि केंद्रीय कृषिमंत्री शरद पवार यांनी सरकारच्या कारभाराबद्दलची आपली नाराजी लपवली नाही. त्यानंतर दहा दिवसांपूर्वी स्टार वाहिनी आणि नेल्सननं केलेल्या सर्वेक्षणात राज्यातील लोकशाही आघाडी सरकारचा आगामी विधानसभा निवडणुकांत पार खुर्दा होईल, असा अंदाज व्यक्त झाला. भ्रष्टाचारामुळं सरकारची प्रतिमा डागाळल्याचं मत सामान्य प्रशासन राज्यमंत्री आणि राष्ट्रवादीचे प्रतिनिधित्व करणाऱ्या फौजिया खान यांनीच व्यक्त केलं. मंत्रिमंडळाच्या बैठकीत सर्वेक्षणाचा विचार झाला आणि अनेक मंत्र्यांनी चिंता व्यक्त केली. सरकारची प्रतिमा कशी सुधारायची, यावर बराच खल झाला. आता लोकशाही आघाडीच्या भवितव्यावर खुद्द शरद पवार कोणतं प्रकट चिंतन करतात ते बघायचं!

Posted

Posted

खूपदा वाटते, मातीलाच पुसावी
आपली आणि पावसाची व्यंजक नाती;
खूपदा उत्तरे वाहून नेतो पाऊस,
फक्त प्रश्न ठेवतो आपल्या हाती

यशवंत मनोहर यांच्या ‘पाऊस सांगेल कदाचित’ या कवितेतील या ओळी आहेत. महाराष्ट्राचे उद्याचे कदाचित मुख्यमंत्री आणि आजचे उपमुख्यमंत्री-कम-अर्थमंत्री असलेल्या अजितदादा पवार यांनी 2013-14चा राज्य अर्थसंकल्प मांडताना मराठवाड्याच्या हातात फक्त प्रश्नच ठेवले आहेत...

Posted

Posted

पुढील वर्षी लोकसभा आणि विधानसभा निवडणुका आहेत. यूपीए सरकारची लोकप्रियता निश्चितपणं घसरणीला लागली आहे. अशा वेळी प्रथम नवी दिल्लीत आणि नंतर महाराष्ट्रात सत्तापालट घडवायचा, तर प्रथम स्वतःचं घर दुरुस्त करावं लागेल, हे भारतीय जनता पक्षाला उमगलेलं दिसतं. त्यामुळंच राजधानीत पक्षाध्यक्ष नितीन गडकरी यांचा ‘गणपती बाप्पा मोरया’ करण्यात आला आणि आता प्रदेशाध्यक्ष सुधीर मुनगंटीवार यांनाही नारळ देऊन तिथं तरणेबांड नेते देवेंद्र फडणवीस यांना बसवण्यात आलं आहे.

Posted

Posted

महाराष्ट्राचा जाणता राजा, केंद्रीय कृषिमंत्री शरद पवार यांनी पुन्हा एकदा आपल्या सहकाऱ्यांना आणि महाराष्ट्रातील तमाम राजकारण्यांना कानपिचक्या दिल्या. ‘‘लोकप्रतिनिधी विनम्र हवा. सन्मान मागून मिळत नाही, तो वागणुकीतून मिळत असतो... यशवंतराव चव्हाणांचा आदर्श ठेवा, आत्मचिंतन करण्याची हीच वेळ आहे,’’ असे उद्‌गार त्यांनी काढले. आमदारांनी पोलीस अधिकाऱ्याला केलेल्या मारहाणीच्या संदर्भात पवार यांनी मार्मिक आणि परखड भाष्य केलं, ते बरंच झालं. पण पुढे काय?

हेमंत देसाई

हेमंत देसाई

व्यासंगी आणि अष्टपैलू पत्रकार. राजकीय विश्लेषक, अर्थतज्ज्ञ. बाबू मोशाय या नावानं लिहिणारे चित्रपट समीक्षक. इतिहासकार आणि कादंबरीकार. पत्रकारितेचे लोकप्रिय अध्यापक आणि टीव्ही वाहिन्यांवरील राजकीय भाष्यकार. सारथी, कंगालांचे अर्थशास्त्र, भोवळ, सुहाना सफर आणि डावपेच वगैरे गाजलेल्या पुस्तकांचे लेखक.