इतिस्त्री

This is some blog description about this site

इतिस्त्री

Posted

Posted

अखेर सरकारला आपण करत असलेल्या चुकीची जाणीव होऊन संमती वयाची मर्यादा सोळावर न आणता हे वय अठराच ठेवण्याचा निर्णय घेण्यात आल्याबद्दल अनेकांनी सुस्कारा सोडला असेल. सरकार सज्ञान असल्याचं निदान या निर्णयात तरी दिसून आलं आहे. कोणत्याही गोष्टीबाबत निर्णय घेण्याचा अधिकार देताना, ज्यास हा अधिकार द्यायचा, त्या व्यक्तीला त्या विषयाचं यथायोग्य ज्ञान आहे की नाही हे बघितलं जातं. पण सोळाव्या वर्षी मुलीला लैंगिक संबंधांची कितपत जाण असते याबद्दल शंका वाटण्यासारखी परिस्थिती आहे. कारण या विषयाचं शास्त्रीय आणि वास्तविक ज्ञान अशा वयातील मुलामुलींना देण्याचा कोणताच मार्ग सध्या तरी या देशात उपलब्ध नाही.

Posted

सोळाव्या वर्षी लैंगिक संबंधांना संमती देण्याचा अधिकार मुलींना देण्याचा कायदा आणण्यावरून सध्या वादळ उठलं आहे आणि अनेक उलटसुलट मतं ऐकायला मिळत आहेत. मुळात संमती वयाचं हे बिल नेमक्या कोणत्या उद्देशानं आणलं गेलंय, याबद्दल संभ्रम निर्माण करणारी परिस्थिती आणि वक्तव्यं अवतीभोवती आढळत आहेत...

Posted

Posted

येत्या 28 फेब्रुवारीला सादर होणाऱ्या आगामी बजेटमध्ये स्त्री-सुरक्षेसाठी विशेष तरतूद होण्याची अपेक्षा आहे. कदाचित टॅक्समध्ये अधिक सवलत आणि महिलांसाठी व्यावसायिक कर्जं मंजूर करण्याची प्रक्रिय सुलभ होणं, अशा बाबी यात असतील. दिल्लीतील सेंटर फॉर बजेट अॅण्ड गव्हर्नन्स अकाऊंटॅबिलिटी (सीबीजीए) हा गट सरकारी खर्चाच्या स्वरूपाचा पाठपुरावा करत असतो. त्यांना जेंडर बजेटिंग संदर्भात अनेक त्रुटी आढळल्या आहेत.

Posted
Posted

यंदा व्हॅलेंटाईन दिनाला जगभर ‘वन बिलियन रायझिंग’ हा कार्यक्रम स्त्री-सन्मानार्थ साजरा करण्यात आला. स्त्रियांच्या मनातली भावना आणि त्यांच्याबाबत होणारा भेदभाव या अनुषंगानं आता मोठ्या प्रमाणात जागृती होऊ लागली आहे. हाच मुद्दा पुढं नेणारा हा उपक्रम होता. महिला आणि मुलींना समाजात वा घरात पदोपदी जो डावललं जाण्याचा आणि अन्यायाचा अनुभव येतो, त्याविरुद्ध आपला निषेध नोंदवत महिलांनी 14 फेब्रुवारी या दिवशी विशिष्ट वेळेला बाहेर येऊन आपलं मन मोकळं करावं, अशी या कार्यक्रमामागची संकल्पना होती. स्त्रियांना बोलतं करण्याची, त्यांना आपल्या मनात दडलेलं बाहेर काढण्याची संधी देणारी ही एक जागतिक स्तरावरची मोहीमच होती. विशेषतः महिलांच्या संदर्भात जो अत्याचार होतो त्यावर बोट ठेवणारी ही मोहीम दिल्लीत घडलेल्या सामूहिक पाशवी बलात्काराच्या पार्श्वभूमीवर होती. भारतातही ठिकठिकाणच्या अनेक संघटना आणि संस्था ‘वन बिलियन रायझिंग'मध्ये सामील झाल्या. जगभराप्रमाणं भारतातही परवाच्या व्हॅलेंटाईन दिवशी ‘वन बिलियन रायझिंग’चा नाद घुमला. भाषणबाजी आणि निषेधाच्या घोषणांच्या पलीकडं जाऊन, नाटकं, गाणी, पोस्टर्स, बलून्स अशा माध्यमांतून देशोदेशी स्त्रियांचा आवाज दुमदुमला... सोशल नेटवर्किंग साइट्सचा सुंदर उपयोग करून घेत ‘वन बिलियन रायझिंग’ जास्तीत जास्त लोकांपर्यंत पोचला. लिंगभाव, स्त्री-पुरुष समता या गोष्टींची चर्चा त्यावर झडली आणि या संदर्भातली जागरूकता वाढण्यास मदत झाली.

Posted

Posted

प्रत्यक्ष युद्धात सामील होण्यास अमेरिकेतील महिलांवर असलेली बंदी पेंटॅगॉननं गेल्याच महिन्यात उठवली. आता अमेरिकन लष्करातील महिलांना युद्धात सहभागी होता येईल. हा निश्चितच एक निर्णय महत्त्वाचा आहे. अमेरिकेतील लष्करात जवळजवळ 14 टक्के महिलांचा भरणा आहे, त्यामुळं हा नवा निर्णय फारच लक्षणीय ठरणारा आहे. महिलांना प्रत्यक्ष युद्धाचा अनुभवही मिळावा, अशी मागणी गेल्या अनेक वर्षांपासून तिथे होत होती. मात्र त्यास विरोधही होताच. पण आता नवीन पाऊल उचलून महिलांना त्यांची इच्छा असेल तर युद्धात सहभागी होता येईल, असा नियमबदल करण्यात आला आहे. यापूर्वी इराक आणि अफगाणिस्तानमधील युद्धास महिलांचं मोठं योगदान लाभलं होतं; पण त्यांच्या कामाचं स्वरूप मर्यादित होतं. युद्धसीमेवर ड्रायव्हर, डॉक्टर, तंत्रज्ञ अशा भूमिकांमध्ये महिला मोठ्या प्रमाणावर सहभागी होत्या. अंदाजे दोन लाख महिलांनी या दोन युद्धांमध्ये या तऱ्हेचा सहभाग घेतला होता. आपल्याला प्रत्यक्ष युद्धाचाही अनुभव मिळायला हवा, अशीही त्यांची मागणी बराच काळ राहिली आहे. त्यांनी दाखवलेल्या कर्तृत्वाची दखल घेऊन अखेरीस पेंटॅगॉननं बऱ्याच चर्चेनंतर नवा नियम लागू केला.

नंदिनी आत्मसिद्ध

नंदिनी आत्मसिद्ध

मराठीतील आघाडीच्या लेखिका. विविध सामाजिक विषयांवर विपुल लिखाण. महिला हा यांचा अभ्यासाचा विशेष विषय आहे. विविध व्यासपीठांवरून महिलांविषयीचे प्रश्न या पोटतिडकीनं मांडतात. 'कोरा कागद निळी शाई' या पुस्तकात भारतीय भाषांतील लेखिका, त्यांचं साहित्य आणि त्यांची साहित्य निर्मितीप्रक्रिया यांचा रसास्वादात्मक परिचय करून दिलाय. यामुळं भारतीय स्त्रीच्या जाणिवांचा १०० वर्षांचा पट उलगडतो.