इतिस्त्री

This is some blog description about this site

इतिस्त्री

Posted

Posted

स्त्री-अत्याचार आणि त्याची वेगवेगळी रूपं प्रखरपणं माध्यमांमधून पुढं येत आहेत. दिल्लीतील बलात्कार प्रकरणानंतर महिलांच्या संदर्भात जे काही प्रतिकूल, अन्यायकारी घडत असेल, त्याबद्दल निदान आवाज तरी उठवला जाऊ लागला आहे. अर्थात, त्यामुळं अत्याचारांमध्ये खंड पडला आहे असं नाही, स्त्रीकडं बघण्याचा एकूणच समाजाचा दृष्टिकोन किती दूषित आहे याचीही चर्चा विशेषत्वानं होऊ लागली आहे. कलांच्या आविष्कारातही ही दूषित नजर आढळते यावरही भर दिला जाऊ लागला आहे. दिल्ली घटनेनंतर विशेषतः आक्षेप घेतला गेला, तो हनी सिंग या पंजाबी गायकाच्या गाण्यांना. खास करून त्यातील शब्द आणि आशयाला.

Posted

Posted

स्त्री-अत्याचाराचे अधिकाधिक भीषण प्रकार दिल्लीतल्या त्या घटनेनंतर पुढे येऊ लागले आहेत आणि त्यांची व्याप्ती देशभरची आहे. अगदी काल-परवा पुन्हा एक बलात्काराची घटना नॉयडा इथं घडली. पुरुषी अत्याचाराला बळी पडण्याच्या घटनांमध्ये सातत्यानं वाढ होत असून, अल्पवयीन मुलांकडून होणाऱ्या लैंगिक अत्याचारात पाचपटीनं वाढ झाल्याचं वास्तव ताज्या आकडेवारीवरून स्पष्ट झालं आहे. म्हणूनच बालवयाची मर्यादा 18वरून 16वर आणण्याचा विचार पुढे आला आहे आणि त्यावर गंभीरपणं विचार सुरू आहे.

Posted

Posted

दिल्लीत झालेल्या सामूहिक बलात्काराच्या निंदनीय घटनेनंतर या देशात महिलांच्या आयुष्याचे पदोपदी निघणारे धिंडवडे पुन्हा एकदा जगासमोर उघड झाले आहेत. शिवाय महिलांच्या संदर्भात अत्यंत असंवेदनशील आणि निषेधार्ह मतं मांडणाऱ्यांमध्ये जणू स्पर्धाच लागली आहे. बलात्काराच्या विरोधात रस्त्यावर उतरलेल्या लोकांना योग्य पद्धतीनं प्रतिसाद न देण्याची चूक सरकारनं केली आणि विरोधी पक्षांनीसुद्धा या घटनेचा राजकारण करण्यासाठी वापर केला.

Posted
Posted

प्रसारमाध्यमांचा उपयोग अन्यायाला वाचा फोडण्यासाठी होतो, अशी समजूत सर्वसाधारणपणे बाळगली जाते. पण आधी अत्याचार करायचा आणि त्याचं दर्शन घराघरात पोचणाऱ्या छोट्या पडद्यावर घडवून सनसनीखेज बातमी उजेडात आणल्याबद्दल स्वतःची पाठ थोपटून घ्यायची, असंही घडू शकतं; हे गेल्या वर्षी गुवाहाटीत घडलेल्या तरुणीच्या विनयभंग प्रकरणावरून पूर्णपणं स्पष्ट झालं होतं. अलीकडेच संबंधित खटल्याचा निकाल लागून 11 जणांना दोन वर्षांचा सश्रम कारावास आणि दंड अशी शिक्षा आसाममधील कामरूप जिल्ह्यातील न्यायालयानं ठोठावली आहे. त्यातल्या त्यात लवकर निकाल लागला एवढंच काय ते समाधान या खटल्यानं दिलं. अशा घटना भारतात सर्वत्र वारंवार घडताना दिसत आहेत, त्या कधी थांबणार, हा खरा प्रश्न आहे.

Posted

फुत्सेरो हे छोटेखानी शहर डिमापूरपासून तसं खूप दूर, उंचावर आहे. नागालँडमधलं सर्वात उंचावरचं ठिकाण म्हटलं तरी चालेल. वळणावळणांचे रस्ते पार करत फुत्सेरोला जावं लागतं. इथली भौगोलिक स्थिती हा उपचारासाठी आयडीयूंपर्यंत जाण्याच्या दृष्टीनं एक अडसरच आहे. ड्रग्जचा पुरवठा मात्र अशाही परिस्थितीत होत राहतो. इथल्या एकूणच वातावरणात भौगोलिक स्थितीची महत्त्वाची भूमिका आहे. दुर्गम अशा या भागात फुटीरतावादी चळवळ अनेक वर्षांपासून आहे.

नंदिनी आत्मसिद्ध

नंदिनी आत्मसिद्ध

मराठीतील आघाडीच्या लेखिका. विविध सामाजिक विषयांवर विपुल लिखाण. महिला हा यांचा अभ्यासाचा विशेष विषय आहे. विविध व्यासपीठांवरून महिलांविषयीचे प्रश्न या पोटतिडकीनं मांडतात. 'कोरा कागद निळी शाई' या पुस्तकात भारतीय भाषांतील लेखिका, त्यांचं साहित्य आणि त्यांची साहित्य निर्मितीप्रक्रिया यांचा रसास्वादात्मक परिचय करून दिलाय. यामुळं भारतीय स्त्रीच्या जाणिवांचा १०० वर्षांचा पट उलगडतो.