कमवा आणि शिका

'स्वावलंबी शिक्षण हेच आमचं ब्रीद' हे रयत शिक्षण संस्थेचं ब्रीदवाक्य. 'रयत'चे संस्थापक कर्मवीर भाऊराव पाटील यांनी सर्वप्रथम 'कमवा आणि शिका' हा मूलमंत्र दिला. त्यानंतर ग्रामीण भागातील तळागाळात शिक्षणाचा प्रसार झाला. अनुभवातून साकार झालेली 'कमवा आणि शिका' ही योजना आज जगात सर्वत्रच राबवली जाते. डॉ. बाबासाहेब आंबेडकर मराठवाडा विद्यापीठही त्याला अपवाद नाही. गेल्या ३५ वर्षांपासून विद्यापीठात हा उपक्रम राबवला जातो. आजमितीस या योजनेचा लाभ जवळपास सात हजार विद्यार्थांना मिळाला असून त्यातील बहुतांश जण समाजात मोठ्या हुद्द्यांवर काम करत आहेत. अशा या गरीब विद्यार्थ्यांसाठी नवसंजीवनी ठरणाऱ्या योजनेला सरकारनंही पाठबळ द्यावं, अशी हाक आता शिक्षणक्षेत्रातून उठत आहे.

   

Comments

  • No comments found

Leave your comments

0
Use 'Ctrl+G' to toggle commenting language from Marathi to English and vice versa.