स्पेशल रिपोर्ट

प्रवीण मनोहर, अमरावती
शिक्षक सृजनशील असतील तर विद्यार्थ्यांना चांगले संस्कार मिळतात शाळेत मिळालेले संस्कार व्यक्तिमत्व घडवतात. अमरावती जिल्ह्यातील नेर पिंगळाई इथल्या जिल्हा परिषदेच्या कन्या शाळेतील शिक्षकांनी शाळेत विद्यार्थीनींचीच बँक उघडलीय. त्यामुळं विद्यार्थीनींना बचतीचं महत्त्व तसंच बँकेची कार्यप्रणालीही समजण्यास मदत होतेय.
 
शशिकांत कोरे, सातारा
गडकिल्ले हे महाराष्ट्राचं वैभव. परंतु त्याच्याकडं लक्ष द्यायला कुणालाच वेळ नसल्यानं त्यांची पुरती दुर्दशा झालीय. साताऱ्याचा अजिंक्यतारा हा किल्लाही त्यापैकीच एक! मात्र, आता या किल्ल्याला गतवैभव मिळवून देण्यासाठी तरूणाईनं पुढाकार घेतलाय. किल्यावरील सात तळ्यांचं  पुनर्भरण करण्याचं काम सध्या जोरात सुरू असून त्यातून वृक्षारोपणासारखी कामं केली जाणार आहेत.
 
प्रवीण मनोहर, अमरावती
राज्य सरकार वंचित घटकांच्या कल्याणासाठी कल्याणकारी योजना राबवत असतं. परंतु त्यात अशी काही ग्यानबाची मेख असते की, त्याचा लाभ लोकांना घेताच येत नाही. पशुसंवर्धन विभागाच्या नावीन्यपूर्ण योजनेतही काहीसं असंच घडलंय. दारिद्र्य रेषेखालील लोकांना लाभार्थी होण्यासाठीचा वाटा भरता येत नाही. भरलाच तर बँका कर्ज देत नाहीत आणि योजना पदरी पडत नाहीत.
 
ब्युरो रिपोर्ट, सांगली
राज्यातल्या 105 सिंचन योजनांसाठी 2200 कोटींचं बजेट सरकारनं तयार केलं असून ते केंद्राकडं सादर केलंय.वेळ पडल्यास प्रसंगी राज्य सरकारच्या तिजोरीतून पैशांची उपलब्धता करून हे प्रकल्प पूर्ण केले जातील, असं मुख्यमंत्री पृथ्वीराज चव्हाण यांनी आज सांगलीत सांगितलं. उपमुख्यमंत्री अजित पवार यांनीही सातारा इथं बोलताना याचा पुनरुच्चार केलाय.
 
ब्युरो रिपोर्ट
सातपुडा - पारंपरिक पद्धतीनं शेती करणाऱ्या चोपडा तालुक्यातील विरवडे गावातील शेतकऱ्याचं जीवन कृषी प्रदर्शनानं बदलून टाकलं. त्याला सफेद मुसळी या औषधी वनस्पतीची माहिती मिळाली. त्याचं त्यानं भरघोस उत्पन घेतल आणि त्याचं जीवनच बदलून गेलं. कुलदीप राजपूतच्या या यशस्वी प्रयोगानं गावकरी चकित झाले आणि त्यांनीही आपल्या शेतात सफेद मुसळीची लागवड करण्यास सुरुवात केली.
 
राहुल विळदकर, अहमदनगर
''अगं बाबो...आक्षी मोरावानी कणीस हाय हो, काय इसळककर, जादू केली का भानामती? आमाला आता याचं बीज पायजे बरं का, बाजारच गाजवतो 'फुले रेवती' वापरून...!" या प्रतिक्रिया आहेत इसळक गावाला भेट देणाऱ्या बळीराजांच्या....! ऐन दुष्काळाच्या तोंडावर बाबा गोसावी कृषी गटानं ही किमया साधलीय.
 
शशिकांत कोरे, सातारा
 "फिरत्या चाकावरती देशी मातीला आकार, विठ्ठला तु वेडा कुंभार" हे गीत आपण ऐकलं असेलंच. बारा पगड समाजामध्ये किमयागार अशी कुंभार समाजाची ओळख आहे. काळ बदलतोय. गावातील लोकांच्या उपजिविकेची साधनंही बदलतायंत. त्याचा परिणाम पारंपरिक कुंभारकामावर देखील झालाय. पूर्वी मकरसंक्रातीसाठी सुगडी बनवण्याची लगबग गावागावातील कुंभारवाड्यांमध्ये दिसायची. आता केवळ 5 टक्केच लोकं हे वाण तयार करतात.
 
मुश्ताक खान
चिपळूण - पाणी प्रत्येकाच्या जीवनाशी संबंधित असल्यामुळं केवळ साहित्यिकांनी नाही तर एकूणचं समाजानं पाण्याबद्दल जागरुक रहावं, असं आवाहन ८६व्या अखिल भारतीय मराठी साहित्य संमेलनाचे अध्यक्ष डॉ. नागनाथ कोतापल्ले यांनी 'भारत4इंडिया'शी बोलताना केलंय.
 
शशिकांत कोरे
सातारा - साताऱ्याजवळील वर्णेगाव येथील राजेंद्र पवार यांनी पारंपरिक शेतीला झुगारून केवळ 10 गुंठे जमिनीतून जरबेरा फुलांचं सहा लाखांचं विक्रमी उत्पादन घेतलं. या युवकाचा हा नवीन प्रयोग बक्कळ पाण्यात पारंपरिक शेती करणाऱ्यांना आदर्शवत असाच आहे. 
 
विवेक राजूरकर
औरंगाबाद – मराठवाड्यातील दुष्काळाचा फटका मोसंबीच्या बागांना बसल्यानं शेतकऱ्यांचं सुमारे 800 कोटींचं नुकसान झालंय. बागवान आणि त्यावर आधारित व्यवसायाला खीळ बसल्यानं मराठवाड्यातील अर्थकारण बिघडण्याची भीती निर्माण झालीय. एकेकाळी मोसंबीच्या बागांनी बहरलेल्या पट्ट्यात फिरताना आता शेतकऱ्यांनी बागा तोडून शेतात रचलेला सरपणाचा ढीग तेवढा दिसतो.