स्पेशल रिपोर्ट

ब्युरो रिपोर्ट
वर्धा - कमी कालावधीत, अल्प खर्चात वर्षभरात किमान आठ वेळा उत्पन्न देणारं पीक म्हणजे रेशमाची शेती. नोकरीच्या मागं धावण्यापेक्षा आपल्या शेतात नगदी पीक घेतलं तर त्यातून मिळणारा नफा हा नोकरीतून मिळणाऱ्या उत्पन्नापेक्षा जास्त असतो. हे आपल्या शेतीत तुतीची लागवड करून झाडगावच्या भोजराज भागडे या शेतकऱ्यानं सोदाहरण दाखवून दिलंय. 
 
शशिकांत कोरे
सातारा - स्कूपिंग पद्धतीनं ऊस बियाणं तयार करून त्याच्या रोपांची लागण केली तर पाण्याची बचत आणि एकरी 100 टनांपर्यंत उसाचं उत्पादन मिळणं शक्य होतं. हे प्रत्यक्षात आणण्यासाठी साताराजवळच्या भुईंज येथील किसनवीर सहकारी साखर कारखान्यानं कंबर कसलीय. त्यांनी या पद्धतीनं तब्बल दोन कोटी ऊस बियाणं तयार करण्याचा संकल्प केलाय.
 
विवेक राजूरकर
जालना - यंदाचा दुष्काळ माणसं, जनावरांच्या जीवावर उठलाय. पाणीटंचाईनं उग्र रूप धारण केल्यानं मराठवाड्यातली अनेक गावं ओस पडू लागलीत. शेतकरीराजा घर, शेतीवाडी सोडून मुलाबाळांना घेऊन पाण्याच्या शोधात रानोमाळ भटकू लागलाय.
 
ब्युरो रिपोर्ट
गोंदिया -  धान आणि कापूस ही विदर्भातील पारंपरिक मुख्य पिकं. परंतु तिरोडा तालुक्यातील सोनेगाव येथील विठ्ठलराव पटले यांनी नवीन मार्ग अवलंबत टोमॅटोची यशस्वी शेती केलीय. त्यामुळं पश्चिम महाराष्ट्रातील हे मुख्य पीक नजीकच्या काळात विदर्भाच्या मातीतही रुजण्याची आशा निर्माण झालीय.
 
यशवंत यादव, सोलापूर
राज्यात पडलेला दुष्काळ, पिण्याच्या पाण्यासाठी होणारी भटकंती, जनावरांचे हाल, चाऱ्याचा प्रश्न, खरीप-रब्बी पिकांचं झालेलं नुकसान यामुळं शेतकरी हवालदिल झाला आहे. या शेतकऱ्यांच्या अडचणीवर कायमस्वरुपी शाश्वत उपाय म्हणून महाराष्ट्र शासनाचा कृषी विभाग या नवीन वर्षात 'पाणलोट विकास' कार्यक्रमावर अधिक भर देणार आहे. 
 
प्रवीण मनोहर
अमरावती - 'दाम करी काम' हे गाणं आपल्याला माहितीच आहे. दामाशिवाय काम होत नाही हे माहीत असूनही आज रोजगार हमी योजनेवरील मजुरांना कामानुसार दाम मिळत नाहीय. अमरावती जिल्ह्यातल्या मोर्शी तालुक्यातील मजूर याचाच विरोध करत आजपासून आमरण उपोषणाला बसलेत.
 
ब्युरो रिपोर्ट
वाशीम - पेरणीनंतर शेतात राबवायची सिंचन पद्धत, खतांची मात्रा देण्याच्या वेळा आणि रोगांच्या प्रादुर्भावापासून पिकांचा बचाव याबाबत बऱ्याच शेतकऱ्यांकडं योग्य माहिती नसते. अशा वेळी महागडी औषधं आणि खतांचा वापर करून आर्थिक विवंचनेत सापडलेल्या या शेतकऱ्यांना नैराश्यही येतं. शेतकऱ्यांचा होणाऱ्या नुकसानापासून बचाव करण्यासाठी उचित मार्गदर्शन व्हावं याकरता रिलायन्स फाऊंडेशननं हायटेक पद्धत राबवलीय.
 
प्रवीण मनोहर
अमरावती - राज्य सरकारनं विदर्भातील आत्महत्याग्रस्त जिल्ह्यांत सनई चौघडा लावून 'शुभमंगल सामूहिक विवाह योजना' जाहीर केली. परंतु,  निकषात बदल केल्यानं सामूहिक सोहळ्यात लग्नगाठ बांधलेली हजारो जोडपी अनुदानापासून वंचित राहिलीत. संसाराला अजून न सरावलेल्या या दाम्पत्यांना सरकारी मेख काही समजेना झालीय. त्यामुळं नुसतंच अरे सरकार, सरकार... असं म्हणण्याची वेळ त्यांच्यावर आलीय.
 
अविनाश पवार
पुणे - पुणे जिल्ह्यातल्या जुन्नर तालुक्याच्या पश्चिम भागात असणाऱ्या कोळवाडी आश्रमशाळेतील चार विद्यार्थ्यांना अन्नातून विषबाधा होऊन दोन विद्यार्थ्यांचा जागेवर मृत्यू झाला, तर दोन विद्यार्थी अजूनही मृत्यूशी झुंज देताहेत. या संतापजनक प्रकाराची चौकशी करण्याची मागणी जोर धरतेय. या घटनेमुळं राज्यातील आश्रमशाळांच्या दुरवस्थेचा प्रश्न पुन्हा ऐरणीवर आलाय.
 
अविनाश पवार
पुणे - केळीचं अधिकाधिक उत्पन्न घेता यावं यासाठी ऊती संवर्धन प्रयोगशाळेत ऊतीसंवर्धित रोपं तयार करून सुधारित केळीची शेती करण्यासाठी मार्गदर्शन केलं जातं. इथं तयार झालेली ग्रेन ९८ जातीची केळीची रोपं शेतकऱ्यांना वाजवी दरात दिली जातात. यावर्षीपासून बाबू, सिमोनियम, प्यारीफैलम, थायकस अशा विविध जातींची ऊतीसंवर्धित बारा लाख रोपं तयार करण्याचा ऊती संवर्धन विभागाचा मानस आहे. यासाठी सरकारकडून या केंद्राला निधीही मंजूर करण्यात आला आहे. गरज आहे ती या केंद्रात येऊन अशा प्रकारच्या आधुनिक शेतीची कास धरण्याची.